1Kor 131Cor 13
ΠΡΟΣ ΚΟΡΙΝΘΙΟΥΣ Α'
13:1 | Εάν ταίς γλώσσαις τών ανθρώπων λαλώ καί τών αγγέλων, αγάπην δέ μή έχω, γέγονα χαλκός ηχών ή κύμβαλον αλαλάζον. |
13:2 | καί εάν έχω προφητείαν καί ειδώ τά μυστήρια πάντα καί πάσαν τήν γνώσιν, καί εάν έχω πάσαν τήν πίστιν ώστε όρη μεθιστάναι, αγάπην δέ μή έχω, ουθέν ειμι. |
13:3 | κάν ψωμίσω πάντα τά υπάρχοντά μου, καί εάν παραδώ τό σώμά μου ίνα καυθήσωμαι, αγάπην δέ μή έχω, ουδέν ωφελούμαι. |
13:4 | Η αγάπη μακροθυμεί, χρηστεύεται η αγάπη, ου ζηλοί, η αγάπη ου περπερεύεται, ου φυσιούται, |
13:5 | ουκ ασχημονεί, ου ζητεί τά εαυτής, ου παροξύνεται, ου λογίζεται τό κακόν, |
13:6 | ου χαίρει επί τή αδικία, συγχαίρει δέ τή αληθεία. |
13:7 | πάντα στέγει, πάντα πιστεύει, πάντα ελπίζει, πάντα υπομένει. |
13:8 | Η αγάπη ουδέποτε πίπτει. είτε δέ προφητείαι, καταργηθήσονται. είτε γλώσσαι, παύσονται. είτε γνώσις, καταργηθήσεται. |
13:9 | εκ μέρους γάρ γινώσκομεν καί εκ μέρους προφητεύομεν. |
13:10 | όταν δέ έλθη τό τέλειον, τό εκ μέρους καταργηθήσεται. |
13:11 | ότε ήμην νήπιος, ελάλουν ώς νήπιος, εφρόνουν ώς νήπιος, ελογιζόμην ώς νήπιος. ότε γέγονα ανήρ, κατήργηκα τά τούνηπίου. |
13:12 | βλέπομεν γάρ άρτι δι' εσόπτρου εν αινίγματι, τότε δέ πρόσωπον πρός πρόσωπον. άρτι γινώσκω εκ μέρους, τότε δέ επιγνώσομαι καθώς καί επεγνώσθην. |
13:13 | νυνί δέ μένει πίστις, ελπίς, αγάπη, τά τρία ταύτα. μείζων δέ τούτων η αγάπη. |
|